Зуринәйнең борчылуы урынлымы?

- Иң мөһиме – сау-сәламәт булсын һәм башына “үлемечле” уйлар кертергә ашыкмасын әле кадерле кешегез, - ди бу җәһәттән Русия банклары Ассоциациясе президенты, академик Гарегин Тосунян. – Зуринәгез әлеге вакытта өйдән чыкмый дөрес эшли. Ходай сакланганны саклармын, дигән. Ә акчаларына килгәндә, монда борчылырлык бер нәрсә дә юк. Алар тулы күләмдә саклыкта! Хәтта банк белән, тьтү-тьфү, берәр хәл була калса да, якын кешегез акчаларны соңгы тиененә кадәр алачак, чөнки 900 мең сум вкладларны страховкалау системасына кертелә. Акчаны кире биргәндә дә бернинди чикләүләр булмаячак – банкның ул чикләүләрне кертергә хакы юк. Шулай булгач, карантиннар, үзизоляцияләр беткәч, үзегезгә уңайлы теләсә кайсы вакытта банкка килеп, акчаларыгызны ала аласыз.