“Мине эзләүләрен беләм”: югалган кыз элемтәгә чыккан

Бак дисәң, кыз үзен эзләүләре турында белә икән. Ул бәйләнешкә чыгып, минем барысы да яхшы, дип хәбәр биргән.

“КП-Уфа” корреспонденты Зарема белән сөйләшүгә ирешкән. Кыз сорауларга кырыс кына җавап биргән һәм аны полиция эзләве турында белүен әйткән. “Полиция эзли икән, шуннан нәрсә булган? Барысы да нормада бит”, – дип җавап биргән ул хәбәрчегә.

Матбугат басмасы язуынча, Зарема – ятим. Ул укыган Башкорт агросәнәгать колледжы педагоглары әйтүенчә, кыз аралашучан түгел һәм ул башлыча балалар йортында яшәгәндә дуслашкан иптәшләре белән аралаша. Шуңа Зарема нәкъ алар янына киткәндер дигән фараз бар.

Ә әлегә аны эзләү эшләре дәвам итә.

Зареманың кайда икәнлеген күрүче-белүчеләр булса, 8 (987) 092-67-55 яки 02 номерына шалтырату сорала.