Башкортстан – Русиянең иң яхшы спорт төбәкләре исемлегендә

Республика Премьер-министры урынбасары, спорт министры Руслан Хәбибов узган елга йомгак ясап "МХО катнашучыларына һәм аларның гаиләләренә ярдәм елы" нәтиҗәләре, төбәкнең ничек милли спорт лидеры булуы һәм ДОСААФ бүлеген алда нәрсә көткәнлеге турында сөйләде.

“Башкортстан башлыгы Радий Хәбиров боерыгы буенча, төбәк хөкүмәте 2025 елда һәр эш көнен МХО темасы белән башлады һәм ахырда бу өлкәдә башкарылган эшләргә йомгак ясады. Безнең 54 төбәк ярдәме чарасы бар, ләкин барлыгы 99, чөнки бездә федераль, төбәк һәм муниципаль ярдәм чаралары да бар, һәм берничә учреждение үзләренең махсус ярдәмен күрсәтә", - дип ассызыклады Руслан Хәбибов.

“Махсус хәрби операциядән кайтучы хәрбиләр өчен төбәктә оештырылган беренче адым - документларны эшләү. "Ватанны саклаучылар" иҗтимагый фонды хезмәткәрләре бу бурычны уңышлы башкаралар, ветераннар өчен конкрет мәсьәләләрне хәл итәләр. Бу, беренче чиратта, киләчәктә эшкә урнашуга кагыла. Икенчедән, без ветеранның хәзерге сәламәтлек торышын билгелибез һәм медицина тикшерүен оештырабыз. Өченчедән, без киң психологик ярдәм күрсәтәбез, бу махсус хәрби операциядә катнашучылар өчен дә, аларның гаилә әгъзалары өчен дә бик мөһим. Һәм, әлбәттә, юридик ярдәм күрсәтү ягыннан гаять зур эш башкарылды. Бу мәсьәлә төбәк дәрәҗәсендә, башкарма хакимият дәрәҗәсендә һәм, әлбәттә, җирле дәрәҗәдә - муниципалитетларда хәл ителә", - дип билгеләп үтте Башкортстан Хөкүмәте вице-премьеры.

Быел республикада "Ватанны саклаучылар" фондының йомгаклау семинары узды. Руслан Хәбибов сүзләренчә, республика җирле дәрәҗәдә ведомствоара комиссия эшен күрсәтте. "Без фондның үзебезнең зур филиалын ачтык - 700 квадрат метр. Мәйдан иң яңа технологияләр белән җиһазландырылган һәм һәркемгә уңайлы. Без шулай ук "МХО катнашучыларына һәм аларның гаиләләренә ярдәм елын" тәмамладык. Республика башлыгы иң яхшыларны, шул исәптән муниципалитетларны да бүләкләде һәм 2026 елга яңа максатлар куйды. Аларның иң мөһиме - ветераннар һәм аларның гаиләләре өчен уңайлы шартлар тудыру, алар үзләрен кайгыртучанлыкны һәм хөрмәтне тоеп яшәргә тиеш", - дип ассызыклады Руслан Хәбибов.

Руслан Хәбибов бер елдан артык Башкортстан Хөкүмәте вице-премьеры булып эшләде, үз вазифасын спорт министры белән беррәттән башкарды. Ул Республика башлыгы Радий Хәбировка ышанычы өчен рәхмәт белдерде. "Әлбәттә, бу социаль блок бик зур, ләкин бүген бөтен ил, бөтен республика һәм хөкүмәтнең һәр әгъзасы бу өлкәдә эшли. Бездә уздырылган "Русия - спорт державасы" форумы зур роль уйнады. Шулай ук, Радий Хәбиров инициативасы белән авыл һәм шәһәр тренерлары өчен проектлар башланды,ветераннарга, олимпиячеләргә һәм паралимпиадачыларга ярдәм күрсәтелә. Башкортстан зур масштаблы милли һәм халыкара чараларга, шул исәптән адаптацион физик тәрбия һәм спорт чараларына әзерлекнең иң югары дәрәҗәсен күрсәтә. Төбәк махсус хәрби операцияләрдә катнашучыларга ярдәм итүгә, студентлар һәм массакүләм спорт төрләрен үстерүгә зур игътибар бирә. Русия Спорт министрлыгы белән Башкортстан арасындагы хезмәттәшлек киңәя. Бу турыда спорт министрының беренче урынбасары Одес Байсултанов Уфа шәһәрендәге Көрәш сараенда узган Физик культура һәм спорт үсеше советы утырышы вакытында хәбәр итте. Башкортстанда 2,3 миллион кеше физик тәрбия һәм спорт белән даими шөгыльләнә. Соңгы дүрт елда спорт өлкәсенә финанслау икеләтә диярлек - 5,2 миллиардтан 9,6 миллиард сумга кадәр арттырылды. Без төзелә торган спорт корылмалары темплары һәм саны буенча ил лидерлары арасында. Узган ел Уфа "Русия - Спорт иле" халыкара форумын уңышлы кабул итте.

Быел МХО да катнашучыларны яклау өчен оештырылган илкүләм фондның семинарын кабул иттек. Анда ил буенча кабул ителгән алдынгы тәҗрибәләр һәм үзебезнең республикада кабул ителгәннәре белән уртаклашып фикер алыштык. Республика җитәкчелеге төбәк күләмендә дә, урындагы муниципалитетлар дәрәҗәсендә дә уңышлы эшләп килүче эш системасын көйләүгә иреште. Башкортстан хәзерге вакытта Русия Президенты Владимир Владимирович Путин билгеләгән барлык спорт үсеш стандартларына туры килә һәм илнең спорт лидерлары арасында үз позициясен саклый. Бездә күп спорт төрләрендә инвалид спортчыларны әзерләү буенча зур тәҗрибә бар, шул исәптән Паралимпия уеннары җиңүчеләре һәм призерлары да горурланырлык күп. Адаптив спорт үзәге, алты филиалы белән 2023 елдан бирле эшли. Республикада 5700 дән артык спорт корылмасы адаптацион спорт төрләренә яраклаштырылган. Бөтенрусия Адаптив спорт федерацияләренең дүрт региональ филиалы актив эш алып бара.

Тагын бер мөһим юнәлеш - махсус хәрби операция ветераннарын спортка җәлеп итү. Без физик тәрбия һәм спорт аша махсус хәрби операция ветераннарын реабилитацияләү өчен" Батырлык "проектын уңышлы тормышка ашырабыз. Бу проектта 300 дән артык ветеран һәм аларның 1500 гаилә әгъзасы катнаша. Республика җитәкчесе Радий Фәрит улы спортка зур игътибар бирә, ул аны үстерә, бу өлкәдәге һәркемгә хөрмәт күрсәтә. Ватанны саклаучылар дәүләт фондының Иҗтимагый проектлар бүлеге начальнигы Михаил Артамонов билгеләп үткәнчә, фонд махсус хәрби операциядә катнашучыларга реабилитация җиһазлары, шул исәптән спорт протезы һәм төрле спорт төрләре өчен җиһазлар бирә. Фонд ярдәмендә 2500 дән артык ветеран спорт чараларында актив катнаша. Махсус операциядә 500 катнашучы региональ адаптив спорт командалары составына керә, аларның 30ы - Русия җыелма командасы әгъзалары. Русиядә Ватанны саклаучылар фонды тарафыннан оештырылган махсус хәрби операциядә катнашучылар өчен төп спорт чараларының берсе - Ватанны саклаучылар Кубогы. Әйтергә кирәк, Уфада Идел һәм Урал Федераль округлары ветераннары өчен бәйгеләр үтте. Башкортстанның адаптив спортны үстерүгә һәм булышуга керткән өлеше зур. Республика тәҗрибәсе Русия Президенты Владимир Путинга 28 майда узган физик культура һәм спорт үсеше советы утырышында хәбәр ителде. Якын киләчәктә без Башкортстанда махсус хәрби операция ветераннары өчен зур спорт чарасы оештыра һәм кабул итә алырбыз дип ышанам, - диде Руслан Хәбибов. Русия Спорт министрлыгы Башкортстанны спортны үстерүдә лидер дип таныды. Спорт министрлыгы Башкортстанга 2025 елгы Милли спорт премиясен бирде. Мәскәүдә Милли спорт премиясе лауреатларын бүләкләү тантанасы узды. Башкортстан "Русия төбәге" номинациясендә җиңеп чыкты. Бүләкне республика башлыгы Радий Хәбировка спорт министры Михаил Дегтярев тапшырды. Республиканың бу премиядәге икенче җиңүе; төбәк беренче тапкыр 2019 елда иң яхшы дип табылган иде. Адаптив спорт төрләре һәм паралимпиадачылар өчен шартлар тудыру эше дә дәвам итә. СВО ветераннары да бу төр спортка ныклап җәлеп ителә башлады, инде уңышлары белән дә куандыралар. Башкортстанда махсус хәрби операция ветераннарын социальләштерү өчен адаптив спорт төрләре төп юнәлешкә әйләнде. Бүгенге көндә 500 махсус операция катнашучысы төбәк адаптив спорт командасы составында, шуларның 30ы Русия җыелма командасы әгъзасы. Мондый эшләр белән без илдә лидер булып кала алабыз", - диде Хәбибов. Вице - премьер шулай ук республиканың ДОСААФ эше турында да әйтеп үтте. Республика башлыгы Русия ДОСААФы җитәкчесе белән килешүгә кул куйды, аның нигезендә Уфада оешма штабы төзеләчәк, ул төбәк спорт федерацияләре өчен мөмкинлекләр бирәчәк. "Патриотик тәрбия һәм балаларыбыз өчен шартлар тудыру бүген мөһим: алар Ватанга хезмәт итәргә һәм аны якларга әзерләнә алырга тиеш", - дип билгеләп үтте Премьер-министр урынбасары. 

Рәдиф Фаткуллин.