Республика халкына спорт өчен ничек вычет алырга?

Русия Хөкүмәте әгъзалары белән киңәшмәдә Халык фронты башкарма комитеты җитәкчесе Михаил Кузнецов массакүләм спорт өлкәсендәге төп проблемаларны һәм инициативаларны җиткерде.

Русия Президенты Владимир Путин кушуы буенча хәрәкәт халык өчен физкультура белән шөгыльләнү мөмкинлеге мониторингын алып бара, спорт дәресләренә салым тотып калу эшен анализлауны да кертеп.

Гомумрусия халык фронты һәм Бөтенрусия җәмәгатьчелек фикерен өйрәнү үзәге уртак тикшеренүләренә караганда, русиялеләрнең 33%ы гына түләүле спорт хезмәтләре өчен 19,5 мең сумга кадәр вычет кайтару мөмкинлеге турында белә. 2024 елда тотып калудан гражданнарның 1%тан да кимрәк өлеше файдаланган – барлыгы 350 мең кеше. Төп проблема – спорт оешмаларының 4%ы гына спорт министрлыгы реестрына кертелгән, бу исә вычет алу өчен мәҗбүри шарт булып тора.

Башкортстанда исемлектә 131 спорт учреждениесе бар. Гомумрусия халык фронтының төбәк башкарма комитеты җитәкчесе Виталий Брыкин аңлатуынча, эшкуарлар реестрга заявка бирүнең катлаулы процедурасы (44%), критерийларга туры килмәү (25%) яки мотивация булмау (30%) аркасында керергә теләми.

Проблеманы хәл итү өчен халык фронты реестр формалаштыру процессын автоматлаштырырга, оешмаларны сайлап алу критерийларын киңәйтергә һәм ата-аналар өчен спорт дәресләре өчен түләүгә ташламаны җәелдерергә тәкъдим итә. Физкультураны популярлаштыру драйверы була алырдай спорт төркемнәрен һәм гаилә клубларын үстерүгә аерым игътибар бирелә. Мәсәлән, Мәскәү йөгерү берләшмәсе ел саен 40 мең кешегә тулылана.

Халык фронты мониторингы мәгълүматларына караганда, русиялеләрнең 19%ы гына ГТО нормаларын тапшырган һәм диспансеризация узган өчен салым түләвен алу мөмкинлегеннән хәбәрдар. Шул ук вакытта гамәлдәге кагыйдәләр әлеге ташламаның үтемлелеген сизелерлек чикли.

Төп проблема бер календарь ел дәвамында диспансеризация узуны һәм ГТО тапшыруны таләп итүдә. Әмма 40 яшьтән кечерәк гражданнар өчен медицина тикшерүе өч елга бер тапкыр үткәрелә, бу ел саен вычет алу мөмкин түгел дигән сүз.

Бу мәсьәләне хәл итү өчен, Гомумрусия халык фонды түбәндәгеләрне тәкъдим итә: диспансеризация соңгы өч ел эчендә үтелгән булса да,  агымдагы елда ГТО тапшырганда вычет алуны рөхсәт итәргә; ГТО нормативларын үтәгән өчен тотып калуны автомат рәвештә исәпләргә; илнең барлык төбәкләрендә дәүләт хезмәтләре порталы аша ГТО тапшыруга язылу мөмкинлеген тәэмин итәргә.

Шулай ук хәрәкәт популяр спорт төрләре буенча мәктәп спорт лигаларын активрак үстерергә тәкъдим итә. 

Чыганак: mgazeta.com