Спорт- үсештә

14 февральдә Республика Йортында Башкортстан Башлыгы Радий Хәбиров Русия спорт министрының беренче урынбасары Одес Байсолтанов белән очрашты. Көн тәртибендә - спорт инфраструктурасын үстерү мәсьәләләре, шулай ук регионда зур чаралар, аерым алганда, Сәламәтлек мөмкинлекләре чикләнгән балалар арасында БДБ илләренең беренче кышкы спартакиадасын уздыру. Русия спорт министрлыгы карары буенча чара Уфада 2025 елның декабрендә узачак.

Радий Хәбиров очрашуда Башкортстанда төрле дисциплиналарны үстерүгә, шулай ук халыкны физик культура белән шөгыльләнүгә җәлеп итүгә зур игътибар бирелүе турында сөйләде.

Одес Байсолтанов Башкортстанның Русиянең спорт инфраструктурасын үстерүгә керткән өлешен ассызыклады.

- Спорт объектлары саны буенча төбәк лидерлар өчлегенә керә, бездә беркайчан да республика территориясендә ярышларны оештыруның югары дәрәҗәдә булуына шик тумады. Мин тармак үсешенә ярдәм иткәннәре өчен рәхмәтле, – дип билгеләп үтте Одес Байсолтанов.

Радий Хәбиров Башкортстанда сәламәт яшәү рәвешен популярлаштыру чаралары турында сөйләде.

- Без спортка мөмкин кадәр күбрәк кешене җәлеп итү өчен төрле программаларны гамәлгә ашырабыз. Мәсәлән, бездә актив яшәүчеләргә ярдәм итү программасы бар. Әгәр 60 яшьтән өлкәнрәк кеше ГТО нормаларын үтәсә, ул спорт объектларына бару өчен 10 мең сумлык сертификат ала. Бу кешеләрне актив тормыш рәвеше алып барырга этәрә, - диде республика Башлыгы.