Уфада Бөтенрусия саңгыраулар спорты кышкы Спартакиадасы ачылды

Башкортстаныбвз башкаласына илнең төрле почмакларыннан үз көчләрен, ихтыяр көчен һәм җиңүгә омтылышын күрсәтү өчен 800дән артык көчле спортчы килде.

Ярышларда катнашучыларны Башкортстан Республикасы Хөкүмәте Премьер-министры урынбасары – Башкортстан Республикасы Спорт министры Руслан Хәбибов, Бөтенрусия саңгыраулар спорты федерациясе президенты Дмитрий Ребров һәм башка мәртәбәле кунаклар сәламләде. 

Чарада катнашучыларга экраннардан ишарәләр телендә Башкортостан Республикасы башлыгы Радий Хәбиров мөрәҗәгать итте:

"Рәхим итегез! Башкортстанда сәламлим. Барыгызга да уңышлар телим!", — диде ул.

Ярышларда катнашучыларга һәм кунакларга шулай ук Русия спорт министры Михаил Дегтярев сәламләү мөрәҗәгатен җибәрде.

Шундый олы дәрәҗәле ярышны үткәрү өчен Уфаны сайлау очраклы түгел — 2023 елда биредә Сурдлимпиячеләрнең җәйге уеннары уңышлы узды. Ә былтыр исә — «Русия – спорт державасы» халыкара форумы үтте. Башкортстан үзен спорт чараларын югары дәрәҗәдә оештыручы һәм сурдлимпия спортын үстерүнең бай традицияләре булган төбәк буларак танытты.

Ярышлар Уфа, Ишембай һәм «Металлург-Магнитогорск» спорт объектларында уза.

Юлай НИЗАЕВ.

Фото: БР Башлыгы рәсми порталы.