Уфада самбо форумы үтәчәк

Иртәгә Уфаның Көрәш сараенда "Русия - самбо яклы" Бөтенрусия форумы ачыла. Бердәм Русия партиясе проекты кысаларында өч көн барачак форумда 600ләп спортчы килүе көтелә. Көрәшчеләр махсус самолет белән дә киләчәк.
Самбо көнендә ачылачак форум яшьләрне патриотик рухта тәрбияләүгә хезмәт итәчәк. Форум кысаларында Русия Геройларына багышланган турнир үтәчәк.
Русиядә милли спорт төре булып саналган самбоны мәктәпләрдә һәм уку йортларында җәелдерү юллары тикшереләчәк, тәҗрибә уртаклашу булачак.
Форумда көрәшче спортчылар, сәясәтчеләр һәм җитәкчеләр катнаша.