“Безнең заман геройлары”

2024 елның 16-19 октябрендә Уфада Баталова Р.А. исемендәге Башкортостанның спорт әзерлеге үзәгендә “Русия – спорт державасы” халыкара спорт форумы кысаларында СВО ветераннары арасында Русия Паралимпия комитетының төбәкара физкультура-спорт чарасы узачак. Ул “Безнең заман геройлары” дип атала.

Ярышларда катнашучыларга сәламләү сүзе белән Русия Паралимпия комитеты генераль секретаре Андрей Александрович Строкин мөрәҗәгать итте:

– Сезне 17-19 октябрьдә Уфада узачак “Русия – спорт державасы” халыкара спорт форумында катнашырга чакырам. Бу чара тәҗрибә уртаклашу, спортны үстерүнең актуаль мәсьәләләре буенча фикер алышу өчен уникаль мөмкинлек булачак. Форум кысаларында СВО ветераннары арасында Русия Паралимпия комитетының “Безнең заман геройлары” төбәкара физкультура-спорт чарасы узачак. Әлеге вакыйга үз илебезгә хезмәт иткән һәм спортта рух көчен күрсәтүен дәвам иткән кешеләргә ихтирам билгесе булып тора.

Чараны уздыруның төп бурычлары булып инвалидлыклары булган СВО ветераннарын Паралимпия хәрәкәтенә җәлеп итү, спортны популярлаштыру, шулай ук катнашучыларның сәламәтлеген ныгыту һәм физик үсеш дәрәҗәсен күтәрү тора.

Программага утырган килеш волейбол, ядрә белән ату, кул көрәштерү, уктан ату, пауэрлифтинг һәм өстәл теннисы буенча спорт ярышлары кертелгән.