Яшьләргә спортка якынаерга шартлар арта!

«Русия – спорт державасы» Халыкара форумы Уфага 100 дән артык ил вәкилләрен җыячак.

“Россия – спорт державасы” халыкара форумы – спорт өлкәсе вәкилләре үзара аралаша торган иң зур мәйданчык, ул Русия Федерациясе Президентының 2009 елның 27 июлендәге 863 нче санлы Указы нигезендә гамәлгә куелды.

 10 сентябрьдә Башкортстан Башлыгы Радий Хәбиров республиканың идарә үзәгендә 2024 елның 17-19 октябрендә Уфада узачак «Русия – спорт державасы» XII Халыкара спорт форумына әзерлек буенча төбәк оештыру комитеты утырышын уздырды.

Исегезгә төшерәбез, илнең төп спорт форумы Башкортстанда Русия Президенты Владимир Путин карары белән узачак. Республика башлыгы Радий Хәбиров билгеләп үткәнчә, төп чаралар яңа спорт объекты – Көрәш сарае базасында узачак, ул 2024 елның 31 августында Уфаның 450 еллыгына ачылды.

 Форумда барлыгы 100дән артык чит дәүләт вәкилләре катнашырга планлаштыра.

 – Төп бурычларның берсе – Фехтование үзәгенең һәм ишкәкле слалом корылмалары комплексының тулы әзерлеген тәэмин итү.  Без аларны форум кысаларында тантаналы рәвештә ачарга һәм биредә беренче Халыкара ярышларны уздырырга планлаштырабыз, – дип ассызыклады Радий Хәбиров.

Башкортстанның спорт министры Руслан Хәбибов Форум эшенең төп юнәлешләре турында сөйләде. Әйтик, 1500 кеше катнашачак пленар утырыш көрәш сараеның универсаль концертлар залында узачак. Спорт объектының беренче катында шулай ук эшлекле программа чаралары өчен 200 кешегә исәпләнгән өч аудитория әзерләнгән.

Форумның спорт программасына « IBA Чемпионнар төне» сериясеннән бокс турниры һәм «Уфа-Арена»комплексы мәйданчыкларында яшүсмерләр арасында керлинг буенча Бөтенрусия ярышлары узачак. Моннан тыш, 17-18 октябрьдә Русия җыелма командасы катнашлыгында Ишкәкле слалом буенча «Край курая» халыкара ярышлары узачак. Ә фехтование үзәге 16 октябрьдән 20 октябрьгә кадәр яшүсмерләр арасында узучы «Салават кылычы» Халыкара ярышларына катнашучыларны  кабул итәчәк.. “Динамо” спорт комплексында 17 октябрьдә баскетбол буенча Россия чемпионатының «югары лига» матчы узачак, анда Уфаның «Динамо» клубы һәм Мәскәү өлкәсеннән «ЦСП-Химки» командасы очрашачак.

– 19 октябрьдә Уфада Русия Олимпия комитеты белән берлектә «йөреш көне» үткәрергә ниятләдек, – дип өстәде Руслан Хәбибов. – Массакүләм чарада форумда катнашучылар – 200 Олимпия уеннары чемпионы һәм призерлары, Уфа халкы һәм кунаклары, якынча 25 мең кеше катнашачак .Алар Октябрь проспекты буенча «Спортивная» тукталышыннан шәһәр Советына кадәр узачак. Башкортстан Башлыгы оештыру комитетына форум кысаларында Русия Президенты каршындагы Физик культура һәм спорт советы утырышын үткәрү өчен шартлар әзерләүгә аерым игътибар бирергә кушты.                                                                                                                                                                            

 Видеоконференция режимында киңәшмә эшендә «спорт державасы "форумы" АНО генераль директоры Алексей Степанов катнашты.

– Форумның

эшлекле программасында катнашу өчен гаризалар килү дәвам итә. Ул бай һәм файдалы булачак, – дип билгеләде Алексей Степанов. – Реклама-мәгълүмат кампаниясе эшен дә актив алып барабыз.

Башкортстан төзелеш һәм архитектура министры вазыйфаларын башкаручы Артем Ковшов

форум чаралары планлаштырылган төп спорт объектларының төзелешкә әзерлеге турында хәбәр итте.

–Ишкәкле слалом корылмалары комплексы янындагы территорияне төзекләндерүгә керештек.

Эшләрне сентябрь ахырына кадәр төгәлләргә уйлыйбыз. Шул ук вакытта Фехтование үзәге дә әзер булачак, – дип аңлатты Артем Ковшов. – Көрәш сараенда төп биналарны – залларны, коридорларны һәм юлларны тәртипкә китерделәр инде. 300дән артык белгеч өстәмә биналарда – ресторанда, фитнес-залда эшли.

Планда-инженер-техник чаралар, шул исәптән видеокүзәтү урнаштыру.

 Киңәшмәдә катнашучылар шулай ук оештыру мәсьәләләре буенча фикер алышты. Алар арасында-кунакларны урнаштыру, аларга транспорт һәм медицина хезмәте күрсәтү, чаралар вакытында җәмәгать тәртибен һәм хәвефсезлекне тәэмин итү.                                                      

Форумның мәдәни программасы турында фикер алышканда, Радий Хәбиров, Халыкара делегацияләргә күрсәтү өчен, Уфа театрлары репертуарына иң яхшы сәхнә әсәрләрен кертү кирәклегенә басым ясады. Моннан тыш, башкала музейлары да кунакларга үзләренең иң яхшы экспозицияләрен тәкъдим итәчәк.

Утырыш азагында республика башлыгы

төбәкнең Спорт министрлыгына «Русия – спорт державасы» XII Халыкара спорт форумының йомгаклау көнен – 19 октябрьне Башкортстанның спорт җәмәгатьчелегенә багышларга, нәтиҗәләр турында фикер алышырга һәм төбәктә бу тармакны үстерү буенча бурычлар билгеләргә тәкъдим итте.

 Радий Хәбиров ассызыклаганча, форум кысаларында ачылачак яңа спорт объектлары аның мирасы булыр, республика халкына алар бик кирәкле  булачак һәм бу мөмкинлекләр спортка тагын да күбрәк яшьләрне җәлеп итәчәк.

Фото: rutube.ru