Мортазиннар җиңүче булды

Уфаның «Динамо» стадионында "Яңа ел гаилә уеннары" республика фестиваленең финалы узды, анда республиканың шәһәр һәм районнарыннан 180 кеше – 60 гаилә катнашты.

- Безнең өчен ел саен республикабызның иң спортчан һәм тату гаиләләре белән бергә җыелу яхшы традициягә әверелә. Яңа ел гаилә уеннары спорт ярышлары һәм көндәшлек рухы гына түгел, ә үз потенциалыңны ачу, ихтыяр һәм характер күрсәтү мөмкинлеге дә. Шунысын да билгеләп үтәргә кирәк, катнашучылар саны көннән-көн арта, димәк, спорт һәм сәламәт яшәү рәвеше популярлаша бара.

-Чарада катнашучыларга уңышлы уен телисем килә, ярышлар сезгә шатлык, күңел ачу һәм онытылмаслык тәэссоратлар китерсен. Кыю булыгыз һәм ирешкәннәрегездә тукталмагыз, - дип сәламләде катнашучыларны "Бердәм Россия" партиясенең төбәк башкарма комитеты җитәкчесе Руслан Насретдинов.

Чараны төбәк башлыгы Радий Хәбиров башлангычы белән оештырылды, оештыручылар - "Бердәм Русия" партиясенең Башкортстан төбәк бүлекчәсе, БР Мәгариф һәм фән министрлыгы, Башкортстан Республикасы спорт министрлыгы. Беренче уеннар 2020 елда узды. Ярышлар өч этапта: мәктәп, муниципаль һәм төбәк этапларында уздырыла. Беренчесе декабрь ахырында мәктәпләрдә узды, икенчесе (анда үз районын Уфада тәкъдим итүче җиңүчеләр билгеләнде)  кышкы каникуллар вакытында узды. Бу аеруча мөһим, чөнки гаиләләрнең бергә вакыт үткәрү мөмкинлеге бар иде.

"Яңа ел гаилә уеннары–2023" республика фестивалендә Әбҗәлил районыннан Азамат, Айгизә һәм Салават Мортазиннар җиңде, икенче урында – Уфадан Илнар, Гөлфина һәм Илдан Салаватовлар, өченче урында – Яңавыл районыннан Герасим, Александра һәм Софья Изибаевлар.

- Оештыручыларга рәхмәт әйтәсем килә. Чара югары дәрәҗәдә узды, бик шәп вакыт үткәрдек. Безнең гаилә Әбҗәлил районының Аскар авылыннан килде, анда без җиңүче булдык. Ә идеяне улының сыйныф җитәкчесе тәкъдим итте, ул бик спортчан дип әйтте. Үзләре дә беренче урынны көтмәделәр – көрәш кызу иде, катнашучылар барысы да көчле, әзерлекле иде. Барлык катнашучыларны котлыйсым килә һәм киләчәктә уңышлар телим, – диде гаилә башлыгы Азамат Мортазин.

- Бер этапта отылгач, без беренче урынны ала алмаячакбыз дип уйладым. Ләкин миңа бу мөһим түгел диделәр. Ә без башка эстафеталарда беренче булдык  һәм нәтиҗәдә  җиңдек, – дип тәэссоратлары белән уртаклашты иң яшь җиңүче Салават Мортазин. Фестивальнең җиңүчеләре бөтен гаиләсе белән "Танып" шифаханәсенә ял итәргә барачак, икенче урынны алганнар "Polaris" грилен, өченче урынны алганнар "Яндекс Станция" акыллы колонкасын алачак.

Шулай ук Гаилә елы кысаларында номинациядә беренче урынны Балтач районыннан Вәлиевлар, икенче урынны Нефтекамадан Ишиубаевлар һәм өченче урынны Учалыдан Мөхәммәдиевлар алды. Уфаның 450 еллыгы кысаларында номинациядә беренче урынны Орджоникидзе районыннан Юлдашевлар, икенче урынны Калинин районыннан Кашаповлар һәм өченче урынны Ленин районыннан Юнысовлар алды. Номинация призерлары булган командалар шулай ук "Бердәм Русия" партиясенең Башкортстан төбәк бүлекчәсе истәлекле призлары һәм кубоклары белән бүләкләнделәр, ә барлык катнашучылар грамоталар, медальләр һәм татлы бүләкләр алдылар.