Спорт министрлыгы оешуның 100 еллыгы

24 апрельдә Рима Баталова исемендәге Спорт күнегү үзәгендә Башкортстан һәм Татарстанның физик мөмкинлекләре чикләнгән яшләре катнашлыгында гадәти булмаган спорт бәйгесе оештырылды.

 Марат Ильясов уйлап тапкан һәм эшләгән спорт җайланмалары барлык мускул төркемнәрен үстерергә һәм кешеләрне аякка бастырырга булышлык итә. Әлеге спорт җайланмалары Татарстан һәм Башкортстан оешмалары ярдәме белән Татарстан Республикасының Әбсәләм авылында җитештерелә.

Марат Ильясов инициативасын 2022 ел ахырында Владимир Путин үзе хуплый һәм мондый чараны ил буенча үткәрү турында указга кул куя.

"Безгә, берләшеп, бергәләп дәвам итәргә кирәк, безнең ярдәмгә мохтаҗ булган һәркем үзенең ялгыз түгеллеген, дәүләт һәм кайгыртучан кешеләр ярдәмен тоярга тиеш. Марат, сез бик дөрес, бик асыл һәм бик файдалы эш эшлисез ", - дип ассызыклады Владимир Путин.

 Уфада бүгенге ярышлар 2023 елда икенчегә уздырыла. Русия Президенты күрсәтмәсе буенча, Башкортстан һәм Татарстан республикалары "смогукарлар" буенча төбәкара ярышлар үткәрделәр.

- Минем хыялым - минем хәлдә булган кешеләргә булышу. Һәрбер ярыш саен бу хыялым тормышка ашырыла бара”, - ди Марат Ильясов.

"Смогукар" авторы Марат Ильясов язмышы бик аянычлы,16 ел элек авариягә эләккәч аны тоташ паралич суга. Марат Ильясов үзен аякка бастырырга гына түгел, инвалидларга ярдәм күрсәтергә дә көч таба. Болар барысы да Баулыдагы заманча сәламәтлек һәм савыктыру үзәгендә уза. Ул 2020 елның декабрендә Татарстан башлыгы Рөстәм Минниханов, «Татнефть» генераль директоры Наил Маганов, шулай ук Башкортстанның ​​иганәче һәм хәйрия ярдәме үзәге "Пакер" ярдәме белән булдырыла.

Оештыручылар спорт үзәгендә ике республиканың йөздән артык спортчысын җыя алды. Бәйгеләрдә 22 медаль җыелмасына көрәш барды.

Русиядә адаптив спортның үсеше куанычлы. Русия  Президенты, тугандаш республика башлыклары, спонсорлар һәм партнерлар ярдәме белән әлеге спорт ярышларында физик мөмкинлекләре чикләнгән кешеләрне актив булырга һәм спорт белән шөгыльләнергә дәртләндерде. Димәк, киләсе ярышта тагын да күбрәк катнашучылар һәм спортчылар булырга мөмкин.