«Салават Юлаев» үзенә-үзе кыенлык тудыра

Уфадагы плей-офф сериясенең дүртенче матчы өченче очрашу сценариесе буенча башланды. Кунаклар ике голны беренче периодның беренче яртысында ук кертүгә ирештеләр. «Аванград» составында Алексей Потапов һәм Кирилл Семенов аерылып торды. Егерме минут ахырына исәп – 0:3 булып китте.

Икенче периодта да уен безнең капка янында дәвам итте. Очрашуның 31нче минутында Алексей Емелинның һөҗүме төгәл булып чыкты. Безнең капкачы Юха Метсола бу голдан соң, запас уенчылар эскәмиясенә юнәлде. Андрей Кареев Метсоланы алыштырырырга чыкты, тик, ул да тагын бер гол керттерде. Исәп Омск командасы файдасына 0:5 булып китте. Безнең өчен бу күңелсез тенденцияне, очрашуның 47нче минутында Хартикайнен бер гол кертеп, бераз үзгәртә алды. Николай Цулыгин тәрбияләнүчеләре, уен дәвамында, унышлырак һәм ешрак һөҗүм итсәләр дә исәпне үзгәртә алмадылар. Таблодагы ахыргы исәп-1: 5. Плей-офф сериясендә исәп 2:2. Командалар 9 март көнне Балашиха шәһәрендә бишенче уенны үткәрәчәк.