“Алкаш”

Русия спортчысы, UFC буенча җиңел гәүдә авырлыгы категориясендә дөнья чемпионы Хәбиб Нурмөхәммәтов белән Ирландия спортчысы Конор Макгрегор интернет аша сүз көрәштергән, бер-берсенең бакчасына таш атышканнар. Башта Конор адресатын күрсәтми генә: “Кем монда мужик? Кем шатерга халык җыеп шоу ясый, шулмы? Үзеңне алдавыңны дәвам ит”, - дип язган. Хәбиб аңа җавап итеп: “Алкаш” дип язган.

Былтыр октябрь аенда Конор Макгрегор Хәбибтан җиңелде. Әмма ул яңадан Мәскәүдә реванш-яуда очрашырга каршы түгеллеген әйтә килә. Быел Хәбиб Дастин Порьены җиңеп чемпион исемен яклады.