Катарда – иң экологик чиста мундиаль

2022 елда Катарда үтәчәк футбол буенча дөнья чемпионаты тарихка иң экологик чистасы булып кереп калачак. Бу турыда Нью-Йоркта үткән климатик саммитта Катарның эмиры Тамим бен Хамад әль Тани әйткән. “Моның өчен стадионнарда кояш энергиясе, суыту өчен, энергияне саклый һәм су чыгымнарын азайта торган махсус технология кулланачакбыз”, - дигән ул. Катар – гарәп илләре арасында футбол буенча дөнья чемпионаты үткәрергә хокук алган беренче ил. Ул 2022 елның ноябрь-декабрь айларында бу зур чараны кабул итәчәк.