9 пенсионер – ГТО билгесе иясе

Уфа шәһәрендә ачылган алтынчы бөтенрусия пенсионерлар спартакиадасында тугыз пенсионерга ГТОның алтын билгеләре тапшырылды. Тантанада Башкортстан Республикасы башлыгы вазифасын вакытлыча башкаручы Радий Хәбиров белән РФ спорт министры урынбасары Марина Томилова катнашты. Быелгы елның икенче кварталы өчен алтын билгегә Мөнирә Габдулхакова, Татьяна Гугучкина, Наталья Гуц, Хәйдәр Моталлапов, Әмир Әхмәтҗанов, Александр Суздаль, Фәнил Шәрифуллин, Станислав Семенов һәм Таһир Якупов ия булды. Алар Башкортстанның төрле районнарыннан.

Пенсионерларның спартакиадасы 27 августта тәмамлана.

ГТО программасы Советлар Союзында 1931 елдан 1991 елга кадәр эшли, аннан Русия Президенты Владимир Путин 2014 елның 24 мартында аны кайтару турында карар чыгарды.