Путин милли команданы котлады

Русия президенты Владимир Путин 21-30 июнь көннәрендә Минск шәһәрендә узган II Европа уеннарын ябу тантанасында катнашты.

Русия лидеры бокс ярышын карады, шулай ук Халыкара олимпиада комитеты президенты Томас Бах белән очрашты.

Моннан тыш Русия президенты Русиянең җыелма командасы әгъзалары белән очрашып сөйләште һәм аларны уеннарда уңышлы чыгыш ясаулары белән котлады. Әйткәндәй, безнең милли команда, 109 медаль яулап, медаль зачетында лидер булды.