Чираттагы чемпионат – Швейцариядә

Киләсе елда хоккей дөнья беренчелеге Швейцариядә үтәчәк. Кайчандыр бу ил командасы төркем уеннарыннан да чыга алмый иде. Менә 3-4 ел инде алар дөньяның иң көчле командалары рәтенә күтәрелде.

Күпләр Русиянең иң көчле тренерларының берсе булган Вячеслав Быковның аларның тренерлар штабында эшләвен белмидер дә әле. Швейцария командасы җитәкчелеге моны яшерми һәм бу югарылыкка күтәрелүдә аның өлеше зур икәнлеген ачыктан-ачык әйтеп тора. Команда уңышы яхшы, тәҗрибәле тренердан торуын күпләребез аңлап тора, әлбәттә. 2023 елдагы дөнья чемпионатын Санкт-Петербург шәһәре кабул итәчәк.