Уфа циркын киләсе елдан яңарта башлаячаклар

Бүгенге туры элемтә барышында Башкортстан җитәкчесе Радий Хәбиров Уфа циркы язмышы турындагы сорауга да җавап бирде. 

Белдерүенчә, циркны федераль финанслау карала. Акчаларны 2026 - 2028 елларда бүлү күзаллана. Төзекләндерү эшләренең  2026 елда башлануы көтелә. Әлеге вакытта цирк реконструкциясе  яңадан проектлана, проект дәүләт экспертизасы үтәргә тиеш.

 - Хәтерегездәдер, мин  цирк проблемасы белән Президентка мөрәҗәгать иткән идем, ул ярдәм булачагына ышандырды. Циркны яңарту безнең өчен төп бурычларның берсе,- диде Радий Хәбиров.