120нче гуманитар конвой барып җитте

 Башкортстан  Башлыгы Радий Хәбировның  күрсәтмәсе буенча  ирекмәннәр һәм мобилизацияләнгәннәр өчен 120нче  конвой  оештырылды. Аны оештыруда 7 муниципалитетның   оешмалары, иҗтимагый берләшмәләр һәм битараф булмаган гражданнар катнашты.

Конвой составында 12 автомобиль, 59 кубометр агач материаллары, 32 кубометр утын, мобиль мунча, генераторлар, маскировка ятьмәләре, фонарьлар, эретеп-ябыштыру аппаратлары,  автомобильләр өчен кирәк-яраклар, төзелеш инструментлары, кием-салым, гигиена кирәк-яраклары, азык-төлек, туганнарның бүләкләре.

“Гуманитар йөк 13 хәрби подразделение өчен тәгаенләнгән, алар  Русиянең 3 яңа субъектында урнашкан”,–   диде  Башкортстан хөкүмәте премьер-министры урынбасары Ирек Сәгыйтов.

Ул конвойны оештыруда хезмәт салганнарга рәхмәт белдерде,  яугирләргә җиңү һәм  тизрәк өйгә әйләнеп кайтуларын теләде.