Хыяллары - конструктор һәм велосипедлы булу

Радий Хәбиров Кремльдә "Теләкләр чыршысы" хәйрия акциясендә катнашты.

 27 декабрьдә Мәскәүдә педагог һәм остаз елы йомгаклары буенча Русия Дәүләт Советы утырышы алдыннан Башкортстан Башлыгы Радий Хәбиров "Теләкләр чыршысы" Бөтенрусия хәйрия акциясендә катнашты. 

Зур Кремль сараеның Владимир залындагы төп чыршыдан төбәк  җитәкчесе акциядә катнашучы дүрт яшьлек Варвара һәм 8 яшьлек Максим  белән Романның теләкләре язылган открыткаларны алган. Луганск Халык Республикасыннан Максим конструктор турында хыялланган, Башкортстанның Дуван районы Мәсәгуть  авылында яшәүче Роман  велосипед турында хыялланган, ә  Күмертаудан Варвара  кәрзинле велосипедка ия буласы килгән.

Исегезгә төшерәбез, "Теләкләр чыршысы" хәйрия проектын 2018 елда Русия Президенты Владимир Путин инициативасы белән башлап җибәрделәр. Аның максаты – ятим, мөмкинлекләре чикләнгән балаларның һәм аз керемле гаиләләрдәге балаларның Яңа ел хыялларын тормышка ашыру.