Барлык яңалыклар
Социаль мохит
10 сентябрь , 22:32

Белгеч пенсионерларга эштән китү өчен иң яхшы вакытны әйтте

Эштән китүнең "махсус" көннәре бар.

mirtesen.ru
Фото:mirtesen.ru

Эшләүче пенсионерлар эштән киткәннән соң пенсияне индексацияләүгә исәп тота ала. Иң мөһиме – айның соңгы көнендә эштән азат ителү. Айның беренче көннәрендә эштән киткән очракта, бу ай тулысынча эшләнгән ай дип санала һәм пенсияне арттырмыйлар. «Прайм» агентлыгына Русия Халыклар дуслыгы университетының икътисад факультеты доценты Лиса Сорокина шулай дип аңлаткан.

«Эшләүче пенсионерның 1 мартта (бу көн соңгы эш көне санала) яки 31 мартта эштән китүенә карамастан, Русия Пенсия фонды апрель аенда әлеге шәхеснең эшләү факты турында мәгълүмат алачак. Апрель аенда гына да бу хезмәткәр эшләүче затлар исемлегендә булмаячак. Апрель ае өчен отчетны Россия Пенсия фонды май аенда ала. Июнь аенда индексацияләү турында карар кабул ителәчәк, ә июль аенда индексация ясалачак», –  дип мисал китерде Сорокина.

Эксперт билгеләп үткәнчә, өстәмә акча алу өчен, кешеләргә яңа «эшләмәүче» статусы турында Пенсия фондына барып хәбәр итү кирәкми. Русия Пенсия фондында кирәкле барлык мәгълүматны эш бирүчедән алачаклар, ә аннары автоматик рәвештә индексация ясалачак.

Чыганак: "Татар-информ".

Читайте нас в