Бәйләнгән комбинезон да бирә башлыйлар

Башкортстанда яңа туган сабыйлар өчен бүләк җыелмасының составы киңәя. Бу хакта республиканың Гаилә, хезмәт һәм социаль яклау министрлыгыннан хәбәр итәләр.

Исегезгә төшерәбез: 2001 елдан балалар табу йортында туган сабыйларга республика власте иң кирәкле булган әйберләр җыелмасы бүләк итә. Бу җыелманың составы үзгәреп тора. Әйтик, 2021 елда аңа 6 әйбер керде: пеленка, кофта, ползунки, баш киеме, плед, янгынны кисәтү приборы.

Агымдагы елның беренче мартыннан исә бүләк җыелмасы 8 әйбердән торачак: пеленка, кофта, ползунки, баш киеме, юрган, янгынны кисәтү приборы, сумка, бәйләнгән комбинезон.