Барлык яңалыклар
Социаль мохит
20 сентябрь 2020, 16:13

1 октябрьдән социаль түләүләр алу тәртибе үзгәрәчәк

1 октябрьдән социаль ташламалар һәм түләүләр MИР картасына гына күчереләчәк.

Яңача түләү тәртибе барлык төр социаль түләүләр һәм ташламаларга тәэсир итәчәк. Аларга түбәндәгеләр керә: радиация нурланышына дучар булганнарга түләүләр; балалары булган гаиләләргә пособие; өченче яки аннан соң туган балаларга түләүләр, өч яшькә кадәрге балалар өчен айлык пособие; өч яшьтән алып җиде яшькә кадәрге балалар өчен ай саен түләүләр.
Башка түләү системаларыннан кулланучылар аларны MИР картасына алыштырырга тиеш. Алар МИР картасы реквизитларын Республиканың халыкка социаль ярдәм күрсәтү үзәге филиалларына бирергә тиеш булачак. Моны MФЦ филиаллары аша эшләргә дә була. 2020 елның 1 октябреннән соң башка түләү системаларына социаль түләүләр күчерелмәячәк (MasterCard, Visa).
2020 елның 1 октябреннән түләүләр депозит счетына (саклык счетына), яки почта аша җибәрелгәннәр өчен бернәрсә дә үзгәрмәячәк. Алар түләүләрне шул ук тәртиптә алачаклар.
Читайте нас в