Барлык яңалыклар
Социаль мохит
2 февраль 2020, 02:53

3-4 февральдә кайтачаклар

Русиялеләрне ВКС самолетлары белән Кытайдан эвакуацияләү шул көндә планлаштырылган, дип хәбәр итте Дмитрий Песков.

"Кытай ягы белән очу көнен килешүгә берникадәр вакыт таләп ителде, шуның белән бәйле Русия гражданнарын ВКС самолетлары белән Кытайдан алып кайту 3-4 февральгә планлаштырыла", - дигән Песков журналистларга.
Шимбә көнне Владимир Путин хәрби-космик көчләргә самолетларны илнең коронавирус белән зарарланган районнарыннан русиялеләрне эвакуацияләү өчен Кытайга җибәрергә боерган иде.
Рәсми мәгълүматлар буенча, Русиядә бу вирус ике кешедә ачыкланган. Алар – Кытай гражданнары. Берсе – Төмән өлкәсендәге вузда белем алучы яшь кыз.
Тагы бер Кытай гражданины Русиягә Забайкальск-Маньчжурия автомобиль пропуск пункты аша кергән. Аңарда шунда ук коронавирус билгеләрен тапканнар һәм дәваханәгә озатканнар. Әле ул терелеп килә, дип яза мәгълүмат чаралары.
Читайте нас в