Барлык яңалыклар
Социаль мохит
9 октябрь 2019, 17:23

Агач алганда кемнәргә өстенлек бирелә?

Бүген Дәүләт Җыелышы комитеты утырышында БР урман хуҗалыгы министры урынбасары Венер Вахитов хөкүмәтнең парламентка шул турыдагы яңа закон проекты кертүен сөйләде.

Бүген Дәүләт Җыелышы комитеты утырышында БР урман хуҗалыгы министры урынбасары Венер Вахитов хөкүмәтнең парламентка шул турыдагы яңа закон проекты кертүен сөйләде.

Башкортстанда өч һәм аннан да күбрәк балигъ булмаган балалы гаиләләр, инвалид бала тәрбияләүче гаиләләр һәм урман хуҗалыгында эшләүче 35 яшькә кадәрге белгечләр йорт салу һәм башка төзелеш эшләре, ремонт, ягулык өчен агач алганда өстенлекләргә ия булачаклар. Бу норма авылда яшәгән һәм хуҗалык алып бару, төзелеш өчен үз җир участоклары булган кешеләргә кагыла.

“ Йорт төзү өчен 25 елга бер тапкыр – 110 кубометрга кадәр, торакны төзекләндерү өчен - 5 елда 25 кубометрга кадәр, ихата эчендәге башка төзелешләр өчен 5 елда 50 кубометрга кадәр, аларны төзекләндерү өчен 3 елда 15 кубометрга кадәр, ягулык өчен ел саен 20 кубометрга кадәр агач бүлү каралган”,- дип билгеләде министр урынбасары.

Читайте нас в