Владимир Путин шахтерларның хәлен кайгырта

Кремльдә Владимир Путинның күмер чыгару тармагындагы хәлләр белән канәгатьсезлеге турында әйтәләр.

Русия лидерының матбугат сәркәтибе Дмитрий Песков әйтүенчә, РФ президенты Владимир Путин кул куйган йөкләмәләр күмер чыгару тармагындагы проблемаларны хәл итүгә юнәлтелгән.

Кремль вәкиле әйтүенчә, сүз бер үк төрле эш башкаручы эшчеләргә хезмәт хакының төрлечә түләнү системасы турында бара. Владимир Путин күмер чыгару тармагында эшләүчеләрне срогыннан алда пенсия белән тәэмин итү мәсьәләсен дә хәл итәргә кушкан. Бу мәсьәлә быелгы елның 31 декабренә кадәр хәл ителергә тиеш.