Инвалидлыкны алу гадиләштерелде

21 майдан алып Русиядә инвалидлыкны билгеләү өчен медик-социаль экспертиза үткәрү тәртибе үзгәрде. Министрлар кабинеты сайтында хәбәр ителүенчә, хәзер медик-социаль экспертизага юлламаны поликлиника инвалид катнашлыгыннан тыш электрон документ формасында тапшыра.

Моңа кадәр инвалидлыкны билгеләр өчен гражданнар медик-социаль экспертиза учреждениеләренә, пенсия фондларына, халыкны социаль яклау органнарына җибәрелә иде.

Хөкүмәт утырышында премьер-министр Дмитрий Медведев әйтүенчә, инвалидлар инстанцияләр бусагалары таптамасын, өстәмә кәгазь-белешмәләр җыймасын, барын да “Госуслуги” порталы аша эшли алсын өчен документлар алмашуга этаплап күчү башлана.

Хәзер Дәүләт муниципаль хезмәтләрнең бердәм порталы аша электрон төрдә медик-социаль экспертиза актының копиясен, медик-социаль экспертиза үткәрү протоколын алуга сорау җибәрү, шулай ук медик-социаль экспертизаның беренчел һәм баш бюросы карарларына шикаять язу мөмкинлеге бар.

Хәтерегезгә төшерәбез, Русия Президенты Владимир Путин инвалидлыкны билгеләү тәртибен гадиләштерергә, шулай ук комплекслы реабилитация үзәкләрен үстерергә кушкан иде.