Ауга чыксаң, белеп чык

Бүгеннән федераль законда аучылар өчен үзгәрешләр бар.

https://vk.com/niaz.fazylov

3 февральдән ау инспекторларының вәкаләтләрен киңәйтүче федераль закон үз көченә керде.

Башкортстанның табигатьтән файдалану һәм экология министры Нияз Фазылов әйтүенчә, хәзер ау күзәтүе сунар җирләренә даими рейдлар кысаларында үткәреләчәк. Инспекторлар документларны тикшерергә хокуклы. Шулай ук аучылардан транспорт чараларын күрсәтүләрен дә таләп итә алалар.

Әгәр табигатьне саклау законнарын бозу очраклары ачыкланса, аучыга карата акт төзеләчәк.

“Һәр аучы сунарчылык кагыйдәләре турында истә тотарга һәм аларны үтәргә тиеш”, – ди Нияз Фазылов үзенең ВКонтакте сәхифәсендә.