Төп бурыч - СВО катнашучыларына ярдәм итү

Бүген, 2 октябрьдә, Башкортстан Башлыгы Радий Хәбиров алтынчы чакырылыш Уфа шәһәре Советы депутатларын эш башлану белән котлаган.

"Шәһәр халкы аларга зур ышаныч күрсәтте, һәм хәзер аны аклау бик мөһим. Ышанам ки, шәһәр Советы – мөһим эшләр каралачак һәм мөһим карарлар кабул ителәчәк мәйданчык булачак, һәм барасы да ,һичшиксез, безнең халык фикеренә таянып эш ителәчәк.

Шәһәр командасы алдында торган төп бурыч - СВО катнашучыларына һәм аларның гаиләләренә ярдәм итү. Бөтен республика һәм бөтен ил белән бергә без Җиңү өчен барысын да эшләүне дәвам итәчәкбез.  Шул ук вакытта яраткан башкалабызны үстерү курсын дәвам итү мөһим. Шәһәрдә проблемалар күп, аларны хәл итүне безнең халык көтә. Социаль объектлар, инфраструктура белән бәйле сораулар бар. Безгә үсәр урын бар. 2028 елда Уфа ШОС саммитын кабул итәчәк - бу хакта указга безнең Президент Владимир Владимирович Путин кул куйды. Әйтәм, без инде хәзер үк дөньякүләм дәрәҗәдәге бу зур чарага җитди әзерләнә башлыйбыз.  Бүген депутатлар корпусы кабат Марат Вәсимовны шәһәр Советы рәисе итеп сайлады. Ул бу вазифада үзен лаеклы күрсәткән тәҗрибәле җитәкче. Марат Васфиевичны чын күңелдән котлыйм һәм аңа уңышлар телим.