Радий Хәбиров: "Торак төзелеше планкасын киметмибез»

Аның темасы – “Русиянең төзелеш тармагы: 2030 елга кадәр үсешнең максатлары, трендлары һәм төп юнәлешләре".

   Сессияне ачып, төбәк җитәкчесе форумда катнашучыларга уңышлар теләде.

   - Республикабыз турында сөйләсәк, торак төзелеше буенча планканы без киметмибез - инде берничә ел рәттән 3 млн кв. м. Билгесен узабыз. ә Русия Президенты Владимир Владимирович Путин күрсәтмәләре нигезендә, 2030 елга Башкортстан 4 млн кв.м бирергә тиеш,-диде Радий Хәбиров. - Заманалар гади түгел. Ләкин база макроикътисадый күрсәткечләре шундый ки, тышкы факторларның йогынтысы кимү белән без тиз арада кирәкле темпны җыячакбыз. Шуңа күрә төзүче коллегалар белән даими элемтәдә торабыз. Һәм мин аларны бу чорда безнең идарә командасы белән документлар өстендә эшләргә, җир мәсьәләләрен хәл итәргә, шәһәр төзелеше потенциалын арттырырга чакырам. Моның өчен бездә барлык кирәкле ресурслар бар.

   Башкортстан Башлыгы шулай ук республиканың Уфада ике зур перспективалы төзелеш территориясен – Забелья һәм Зауфимьены әзерләү буенча федераль программаларда катнашуы турында сөйләде. Федераль ресурсларны җәлеп итеп, анда инде инженерлык инфраструктурасын актив үстерү бара. Планнарда-анда 20 млн кв.метрдан артык торак төзү.

***

   РФ Төзелеш һәм торак-коммуналь хуҗалык министрының беренче урынбасары Александр Ломакин видеоэлемтә аша пленар сессиядә катнашучыларга тармак алдында торган төп бурычлар турында сөйләде.

Чыганак һәм фото: Башинформ.