Бадранов яңа вазифада

Башкортстан Башлыгы Радий Хәбиров Азат Бадрановны республика башлыгы каршындагы Башкортстан дәүләт хезмәте һәм идарә академиясе (БАГСУ) ректоры вазыйфаларын башкаручы итеп билгеләде. Бу хакта ул дүшәмбе, 27 октябрьдә Хөкүмәттәге оператив киңәшмәдә игълан итте. Элегрәк Бадранов төбәк Башлыгы администрациясе җитәкчесенең эчке сәясәт буенча беренче урынбасары вазыйфасын биләгән иде.

БАГСУ ректоры урынын биләгән Данияр Абдрахманов төбәк Башлыгы ярдәмчесе итеп билгеләнде. "Яшереп тормыйм, Данияр Мәүлияр улы хакимият Башлыгының сәяси эшләр буенча урынбасары вазыйфасын биләячәк, аның тәҗрибәсе зур, уңышлар телибез", - диде Радий Хәбиров.