Миграция сәясәте мәсьәләләре бик җитди

Радий Хәбиров Идел буе федераль округының дәүләт миграция сәясәтен гамәлгә ашыру советы утырышында катнашты.

 25 март – Казанда Башкортстан Башлыгы Радий Хәбиров Идел буе федераль округы Советы утырышында катнашты.

Аны Русия Президентының Идел буе федераль округындагы Тулы вәкаләтле вәкиле Игорь Комаров уздырды. Көн тәртибендә –округ төбәкләрендә дәүләт миграция сәясәтен гамәлгә ашыру һәм мигрантларның социаль-мәдәни адаптациясен гамәлгә ашыру.

Киңәшмә башланыр алдыннан Игорь Комаров һәм Радий Хәбиров Татарстан рәисе Рөстәм Миңнеханов белән бергә «Идел буе халыкларының традицион костюмы» күргәзмәсендә булдылар.

Утырышны ачып, Игорь Комаров фикер алышучы мәсьәләләрнең актуальлеген ассызыклады һәм Идел буе федераль округы төбәкләренең иҗтимагый, демографик һәм социаль-икътисадый үсешендә миграциянең роле артуын билгеләп үтте. Тулы вәкаләтле вәкил искәрткәнчә, март башында Эчке эшләр министрлыгы коллегиясенең киңәйтелгән утырышында Россия Президенты Владимир Путин 2025 елда ук миграция сәясәтенең яңа концепциясен эшләргә йөкләде. Аның төп юнәлешләре – җәмгыять һәм гражданнарның иминлеге, Русиянең мәдәни үзенчәлеген саклау, милләтара һәм динара тынычлыкны һәм татулыкны саклау.

- Идел буе федераль округы безгә акча эшләргә, укырга, тормышларын корырга килүче тышкы мигрантлар өчен аеруча кызыклы. Безнең барлык төбәкләрдә диярлек миграция агымнары күләме ел саен дистәләгән мең кеше белән исәпләнә. Бүген Идел буе федераль округы территориясендә 500 меңнән артык чит ил гражданы яши, - диде Игорь Комаров.

Утырыш нәтиҗәләре буенча журналистлар белән әңгәмәдә Башкортстан башлыгы Радий Хәбиров ассызыклаганча, миграция сәясәте мәсьәләләре бик җитди һәм аерым игътибар таләп итә.