Башкортстан яшьләре үз идеяләрен федераль дәрәҗәдә хуплаячак

19 ноябрьдә Мәскәүдә федераль дәрәҗәдә яшьләр сәясәтен гамәлгә ашыручы ведомстволар һәм оешмалар белән эшлекле очрашулар узды.

Башкортстан Республикасы башлыгы хакимияте җитәкчесе вазифаларын башкаручы Азат Бадранов һәм Башкортстан Республикасының яшьләр сәясәте буенча дәүләт комитеты рәисе вазифаларын башкаручы Вито Сабиров яшьләр эшләре буенча Федераль агентлык җитәкчесе Григорий Гуров, «Беренчеләр хәрәкәте» идарәсе рәисе Артур Орлов һәм «Россия - мөмкинлекләр иле» АНО генераль директоры урынбасары Дмитрий Гужелей белән очраштылар. Төбәктә яшьләр сәясәтен гамәлгә ашыру буенча уртак фикер алышу вакытында талантлы яшьләргә ярдәм итү, уртак конкурслар, проектлар һәм чаралар уздыру буенча уртак эшнең яңа форматлары тәкъдим ителде.

"Яшьләр сәясәтен гамәлгә ашыру өлкәсендә федераль ярдәм яшьләребезнең потенциалын нәтиҗәлерәк файдаланырга мөмкинлек бирәчәк. Яшьләр башлап җибәрә торган яңа идеяләр, проектлар, төрле программалар башка платформалар белән хезмәттәшлек иткәндә зур резонанс табачак", - диде Азат Бадранов. Шулай ук Юл картасы да расланды. Юл картасы чаралары планына Башкортстанда «Русия - мөмкинлекләр иле» Президент платформасының төп проектларын һәм конкурсларын гамәлгә ашыру, уртак чаралар үткәрү, проектларда һәм конкурсларда катнашучылар, финалистлар һәм җиңүчеләр бергәлеген формалаштыру керә.