Чүплекләрдән котылу булырмы?

Республика Хөкүмәтендә каты коммуналь калдыклар (ТКО) белән эш итү реформасын тормышка ашыруда килеп туган проблемалар хакында сөйләштеләр.

   БР Хөкүмәте премьер-министры вазифасын башкаручы Андрей Назаров санкцияләнмәгән чүплекләрне ликвидацияләү эшен тәмамларга кушты.

   -Гомум алганда, безнең республика “югары тотрыклылык” (“яшел зона”) зонасында кала килә. Федераль штаб тарафыннан барлык блоклар буенча да “юл карталары” төзү, “Русиянең экологик операторы” компаниясе белән килешү төзү һәм субъект башлыгы белән раслау бурычлары тора. Безгә Русия Хөкүмәте һәм Русиянең Табигать министрлыгы куйган бар таләпләрне үтәргә генә кирәк,- диде Андрей Назаров.