-5 °С
Болытлы
Барлык яңалыклар
Сәясәт
18 март 2020, 16:04
Галия Мөхәммәтҗанова: Үзгәрешләр халык хупласа гына була ала
Үз фикерен БРның Иҗтимагый палатасы рәисе урынбасары Галия Мөхәммәтҗанова да әйтте.
Владимир Путин Федераль җыелышка Юллама белән мөрәҗәгатендә Русия Конституциясенә төзәтмәләр кертергә тәкъдим иткән иде.
Конституцион суд илебезнең төп документына төзәтмәләрне законлы дип тапты. Төзәтмәләр үз көченә керәме-юкмы икәнлеге 22 апрель көнне үткән тавыш бирү нәтиҗәләреннән билгеле булачак.
Конституциягә төзәтмәләргә үз фикерен БРның Иҗтимагый палатасы рәисе урынбасары Галия Мөхәммәтҗанова да ишеттерде:
“Төп законыбызга төзәтмәләр кертүне дөрес карар дип исәплим. Алар кирәк. Чөнки заман үзгәрде. Әлбәттә, вакыт үтү белән законнар да үзгәрергә тиеш дип уйлыйм. Минем фикеремчә, бу процесс тулысынча дөрес төзелгән. Тәүдә РФ Конституциясенә төзәтмәләр кертү хакында муниципалитетлар каршындагы җәмәгать советларында, төбәкләрнең Иҗтимагый палаталарында, Русия Иҗтимагый палатасында фикер алыштылар. Актив һәм битараф булмаган гражданнар Конституцияне үзгәртү буенча үз тәкъдимнәрен кертә алды. Аннары Русиянең Конституцион суды төзәтмәләрне хуплады.Тик бу да әле соңгы инстанция түгел. 22 апрельдә законлы нигездә һәркайсыбыз, бу төзәтмәләр белән килешәме-юкмы икәнен белдереп, тавыш бирә алачак. Илебезнең төп законы хакында сөйләргә генә түгел, ниндидер гамәлләр кылырга да вакыт җитте. Гомерем буе шушы илдә яшәп, эшләп, балалар үстергән кеше буларак, әлбәттә, тавыш бирүгә барачакмын”.
Читайте нас:
©1991-2024 "Өмет" гәзите Барлык хокуклар да якланган. Материалларны күчереп бастырганда, я аларны өлешләтә кулланганда "Өмет" гәзитенә сылтанма ясау мәҗбүри
Баш мөхәррир: Рәдис Гыйльван улы Ногманов
Телефон
8 (347) 273-94-38
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 9 этаж
Реклама хезмәте
8 (347) 273-64-81
Кабул итү бүлмәсе
8 (347) 273-94-56