Путин академикны юбилее белән котлады

Котлавында Президент Велиховның Курчатов институты үсешенә керткән шәхси уңышын билгеләде.

“Зур галим, илебездә теоретик физика мәктәбенең чагу вәкиле буларак, сез үзегезнең һөнәри эшчәнлегегезне Туган илгә, фәнгә, халыкка хезмәт итүгә багышладыгыз. Милли Фәннәр академиясе, данлыклы Курчатов институты үсешенә, илнең оборона мөмкинлекләрен, икътисадын ныгытуга юнәлтелгән масштаблы мәсьәләләрне тормышка ашыруда шәхси өлеш керттегез”, - диде Путин. Һәм академикка сәламәтлек, уңышлар һәм иминлекләр теләде.

Евгений Велихов 1935 елның 2 февралендә Мәскәүдә туган. 1958 елда Ломоносов исемендәге Мәскәү дәүләт университетының теоретик физика белгечлеге буенча физика факультетын тәмамлаган.

Академик Велихов – Социалистик Хезмәт Герое (1985), СССР дәүләт премияләре (1977), Ленин премиясе (1984) һәм Русия Федерациясе дәүләт премиясе лауреаты. “Туган ил алдындагы хезмәтләре өчен” орденының тулы кавалеры.