Африкадан килеп укыйлар

“Русия-Африка” саммитының пленар утырышында чыгыш ясап, Русия Президенты Владимир Путин, “РФ властьлары Русия югары уку йортларында Африкадан килгән студентлар өчен бюджет урыннарына квоталарны арттыру турында уйлый”, дип белдерде.

“Кадрлар әзерләү дә, мәгариф тә хезмәттәшлекнең мөһим өлкәсе булып тора. Әле безнең илдә Африкадан 17 мең студент укый һәм Русия югары уку йортларына бюджет урыннарына алу өчен еллык квота 2 меңләп кеше тәшкил итә. Әлеге санны ничек арттыру турында уйлыйбыз”,- диде Путин.

Русия президенты Африка илләренә РФның бу өлкәгә салынган тырышлыгын бәяләве өчен рәхмәт белдерде.