Хезмәтенә күрә хөрмәте

Беренчел ярдәм медицина хезмәткәрләре, хезмәт хакы түбән булу сәбәпле, эштән китә башлады.

Владимир Путин, 2 октябрьдә узган киңәшмәдә, Хөкүмәткә яңача түләү стандартларын әзерләргә кушкан иде. Хөкүмәт рәисе Дмитрий Медведев, 9 октябрь көнне ил җитәкчесенә булачак үзгәрешләр хакында белдерде.

“Иң мөһиме- гадел хезмәт хакы. Хезмәт хакының төп өлеше күтәрелгәндә дә, өстәмә эшләр өчен, түләүләр кимергә тиеш түгел. Мотивация булмаса, медицина хезмәткәрләренә кытлыкны бетереп булмаячак”, дип искәртте Владимир Путин.

Мәгълүм булуынча, ил буенча 25 мең табиб һәм 130 мең беренчел ярдәм медицина хезмәткәрләре җитешми.