Путин әлегә Судан башлыгы белән очрашмаячак

Суданның “Ат-таяр” гәзите Суверен совет җитәкчесе 24 октябрьдә Русиягә сәфәр кылырга планлаштыра дип язып чыккан булган. Әмма бу белдерүгә карата Кремль үзенең белдерүен ясады. Русия президентының матбугат секретаре Дмитрий Песков, РФ президенты Владимир Путинның эш графигында Судан суверен дәүләт башлыгы Әбдел Фәттах әл Борхан белән очрашу турында әлегә бернәрсә билгеләнмәгән, дип белдерде. “Юк. Әлегә графикта юк”,—дип хәбәрне кире какты Песков.