Радий Хабировның инаугурациясе тыйнак узачак

“Инаугурациянең гадәтләнгән эш шартларында, ниндидер концертларсыз, приемнарсыз, башка төбәкләрдән чакырылган кунакларсыз, тантанасыз узуы планлаштырыла. Чарага РФ Президентының Идел буе федераль округында тулы вәкаләтле вәкиле Игорь Комаровның һәм җәмәгатьчелек вәкилләренең килүе көтелә.

Бу республика Башлыгының эшлекле кәефенә туры килә. Ант әйтү процедура гына буларак кабул ителсә дә, ул мөһим юридик факт булып санала. Нәкъ шул моменттан республика Башлыгы үз вазифасына керешә. Бу конституцион норма”, - дип комментарий бирде Константин Толкачёв.