Путинның Әнкарадагы сөйләшүләре

Аның эшендә Русия президенты Владимир Путин, Хәсән Роухани һәм Рәҗәп Тайип Эрдоган катнашты. Илләр җитәкчеләре әлеге гарәп республикасындагы хәл-вакыйгаларны тарихи көйләү, качакларга ярдәм күрсәтү һәм инфраструктураны тергезү мәсьәләләрен тикшерде.

Русия президенты Владимир Путин шулай ук икеяклы сөйләшүләрдә дә катнашты. Төркия президенты Рәҗәп Эрдоган белән хәрби-техник хезмәттәшлек мәсьәләләре буенча фикер алышты. Шушы көннәрдә Русия Оборона министрлыгы Төркиягә С-400 “Триумф” системасын озатуның икенче этабын тәмамлады. АКШның басым ясавына карамастан, бәясе 2,5 млрд. доллар торган контрактка кул куелган иде.

В.Путин Иран президенты Хәсән Роухани белән Иран атом-төш программасы буенча килешү хәлләрен тикшерделәр.