Курил утраулары язмышы кайчан хәл ителер?

Курил утрауларына ия булу турында Япония күптән хыяллана. Ләкин Мәскәү Токио белән Курил утравы тезмәсенең ике утравын тапшыру мәсьәләсен тикшерүдән тагын баш тартты.

Узган елның ноябрендә Владимир Путин һәм Япониянең премьер-министры Синдзо Абэ 1956 елда төзелгән ике яклы Уртак декларация нигезендә тынычлык килешүе төзү өстендә активрак эшләргә сөйләшкәннәр иде. Ләкин Русия ягы: “1956 елда кул куелган декларация әлеге хәлендә кулланыла алмый” дигән фикердә. Атап әйткәндә, Мәскәү Вашингтон һәм Япония арасындагы альянс кысаларында Япониядә Америка хәрбиләренең саны артудан шикләнә.