Уфа эшлекле кунаклар көтә

Сессияләрнең берсе уртак үсеш перспективаларына багышланачак.

3–5 декабрь көннәрендә Уфада «Торатау» конгресс‑холлында халыкара бизнес атналыгы‑2025 узачак.

Сессияләрнең берсе уртак үсеш перспективаларына багышланачак.

3 декабрьдә Төбәк һәм халыкара эшмәкәрләр «Элемтәдәге регионнар: уртак үсеш перспективалары» панель дискуссиясенә җыелачак. Ул актив диалог, регионара бизнес‑хезмәттәшлекне үстерү һәм эшмәкәрлек офыкларын киңәйтү мәйданчыгы булачак. «Бизнес хатын-кызлары» иҗтимагый оешмасының төбәк бүлеге рәисе Марина Корбангалиева сөйләгәнчә, панель сессиясендә төбәк һәм халыкара эшмәкәрләр локаль базардан төбәкара һәм халыкара базарларга чыгу юлларын эзләячәкләр

«Без уңышлы кейслар турында фикер алышачакбыз, шулай ук хаталы тарихларны күрсәтәчәкбез, һәр эшләп тапкан миллион артында берничә сарыф ителгәне тора бит. Без моны ачыктан-ачык әйтәбез, уңышларыбыз һәм уңышсызлыклар белән уртаклашабыз. Спикерлар төбәкара хезмәттәшлек үзенчәлекләре, башка регионнан яки илдән контрагент белән килешү төзегәндә игътибар итәргә кирәк булган мөһим пунктлар һәм башка төбәкләргә чыгу перспективалары югарырак булган күп кенә башка нечкәлекләр турында сөйләячәк», - дип сөйләде «Бизнес хатын-кызлары» иҗтимагый оешмасының төбәк бүлеге рәисе Марина Корбангалиева. Секция эшендә Казахстан һәм Берләшкән Гарәп Әмирлекләре экспертлары катнашыр дип көтелә.

Форумга теркәлү түбәндәге сайтта мөмкин: https://ibw-bashkortostan.com.