Оста куллы мари егетләре янында

Радий Хәбиров: "Без бу проектка ярдәм итү белән шөгыльләнәчәкбез".

Башкортстан Башлыгы Радий Хәбиров Мишкә районында булганда Ярослав Саликовның остаханәсендә булды. Эшмәкәр партнеры Михаил Кильмакаев белән коммуналь һәм төзелеш техникасы, шулай ук асылмалы җиһазлар чыгару белән шөгыльләнә. Алар мини-төягечләр, мини-тракторлар, үзйөрешле шассилар, кар җыючылар, бетон бутаучылар, экскаватор җайланмалары, үзбушаткыч прицеплар эшлиләр, шулай ук гуманитар конвойларны СВО зонасына җыюда һәм илтеп җиткерүдә актив ярдәм итәләр.

Эшмәкәрләр Төбәк Башлыгына мини-техника җитештергәндә нигездә үзебезнең ил комплектлаучыларын кулланулары турында сөйләде. Алар барлыгы 400дән артык оригиналь эшләнмә сатканнар. Ярослав Саликов һәм Михаил Кильмакаевның планнарында – җитештерүне киңәйтү.

- Осталар машина төзелешенең җитди продуктын серияле җитештерүгә чыгарырга сәләтле. Без бу проектка ярдәм итү белән шөгыльләнәчәкбез, – дип билгеләде Радий Хәбиров журналистлар белән әңгәмәдә.

Фото: mgazeta.com