Транспорт буенча стратегик сессия эшләде

2025 елның 25 июлендә Мәскәүдә Бөтенрусия җирле үзаидарә үсеше ассоциациясе (ВАРМСУ) муниципалитетлар башлыклары катнашлыгында "Транспорт һәм инфраструктура" стратегик сессиясен үткәргән.
Катнашучылар транспорт системасы үсеше мәсьәләләрен тикшергән, уңышлы эшчәнлекләре һәм тәкъдимнәре белән уртаклашкан. Мәсәлән, Благовещенскида, Алабугада һәм Ставропольеның берничә муниципалитетында мэрлар электросамокатларны тыю турында карар кабул иткән.
Сессиядә сәламләү сүзе белән Русия төзелеш һәм торак-коммуналь хуҗалыгы министры Ирек Фәйзуллин, Бөтенрусия җирле үзаидарә үсеше ассоциациясе (ВАРМСУ) рәистәше Ирина Гусева һәм Русия Транспорт министрлыгының Фәнни үзәге директоры Артур Романенко чыгыш ясаган.
"Транспорт һәм инфраструктура" стратегик сессиясендә Башкортстаннан Стәрлебаш районы башлыгы Рөстәм Рахманкулов, Стәрлетамак башлыгының беренче урынбасары Артур Гафаров, Нефтекама башлыгы урынбасары Айрат Гыймалетдинов катнашкан.
Стәрлебаш районы башлыгы Рөстәм Рахманкулов мондый стратегик сессияләрнең һәм башка муниципалитетлар башлыклары белән очрашуның тәҗрибә алмашу, проблемаларны төрле яктан ачу, стандарт булмаган карарлар кабул итү һәм федераль дәрәҗәдәге экспертлар белән аралашу мөмкинлеге бирүен билгеләгән.
"Катнашучылар Русия муниципалитетларының транспорт өлкәсендә күзгә-күз очрашкан проблемаларын тикшерде. Төп мәсьәләләрнең берсе - хезмәтләндерү сыйфатын яхшырту һәм гражданнарның транспорт хезмәтләренә ия булу мөмкинлеген арттыру, чөнки әлеге тармак кешеләрнең яшәү сыйфатына турыдан-туры йогынты ясый. Русия Транспорт министрлыгы бөтен мәсьәләләрне искә алды һәм аларны чишү өстендә эшлиячәк. Алар пассажирлары ташу һәм тармакны хезмәтләндерү сыйфатын яхшырту буенча бердәм стандартка кертеләчәк", - ди белдерә Рөстәм Рахманкулов.

Фото: "Стерлибашевские родники".