Күркә итен Гонконг һәм Вьетнамга да озата башлыйбыз

18-21 март көннәрендә Уфада “Экспо” күргәзмә комплексында илнең төп вакыйгаларының берсе – “АгроКомплекс” халыкара күргәзмәсе һәм Агросәнәгать форумы үтә.

Биредә үзләренең алдынгы эшләнмәләрен һәм технологияләрен Русиянең 40 төбәгеннән, шулай ук Беларусь, Казахстан һәм Сенегалдан 380нән артык катнашучы тәкъдим итә. Шулай ук Башкортстанның 50 крестьян-фермер хуҗалыгы әзерләгән экспозицияләр урын алган.

Форум кырларында Мәләвездән “Союзпромптица” предприятиесе директоры Андрей Ковалев экспорт юнәлешен үстерү планнары белән уртаклашты.

– Бу юнәлештә безнең ниятләр зур, – диде ул. – Без күркә итен Африка һәм БДБ илләренә озатабыз. Бу елда Гонконг һәм Вьетнам белән экспорт хезмәттәшлеген киңәйтәбез. Алар – безнең өчен яңа базарлар, аларга чыгу буенча әзерлек эшләрен төгәлләдек инде.

Алай да, безнең төп бурыч – Башкортстанда яшәүчеләрне сыйфатлы экологик ит белән тәэмин итү. Һәм без бу бурычны үтибез, диде Ковалев.

– Ә экспортка җибәрүне җитештерүне киңәйтү хисабына арттырабыз: узган ел без үзебез өчен рекордлы күләмдә – 36,5 мең тонна – күркә ите җитештерү дәрәҗәсенә чыктык. Бу элеккегә караганда ун процентка күбрәк. Әмма тукталып калырга җыенмыйбыз – җитештерүне икеләтә арттыру өчен яңа корпуслар төзибез. Шулай булгач, күркә ите эчке базарга да һәм тышкысына да җитәчәк, – дип аңлатты ул.