Башкортстанда кыярлар кискен арзанайды, башка яшелчәләр кыйммәтләнде

Башстат хисабына караганда, бу чорда азык-төлек товарларыннан яшелчәләр аеруча кыйммәтләнгән: помидор (2,3%), кәбестә (2%), суган (1,5%), бәрәңге (1,4%), кишер (1%).

Шулай ук алмага (2,2%), эремчек һәм вермишельгә (1,9%), балалар туклануы өчен коры сөт катнашмаларына (1,1%), банан һәм балыкка (1,3%) бәяләр арткан.

Кайбер продуктларга бу чорда бәяләр, киресенчә, кимеде. Барыннан да бигрәк кыяр (6,5%), печенье (2,3%), тавык (2,1%), он (1,4%) һәм көнбагыш мае (1,2%) арзанайган.

Тулы исемлек белән Башстат сайтында танышырга була. Шунысын билгеләп үтәргә кирәк, тикшеренү сайлап алу мониторингы нигезендә үткәрелгән һәм товарның конкрет төренә яки нинди дә булса аерым кибеттә бәяләр динамикасын чагылдырмый.

Юлай НИЗАЕВ әзерләде.