Владимир Путин УМПОны бүләкләде

Югары җитештерү күрсәткечләре һәм Русиянең авиация двигатель төзелеше үсешенә зур өлеш керткән өчен Берләштерелгән двигательләр төзү корпорациясе – Уфа моторлар төзү заводы коллективы Александр Невский ордены белән бүләкләнде. Бу хактагы указга  Русия Президенты Владимир Путин 8 декабрьдә кул куйган. 

Александр Невский ордены – ул Русия империясе һәм Советлар Союзының бүләкләү системаларында кайбер үзгәрешләр белән булган бердәнбер бүләк.

Заводның тагын ничә ордены бар?

1936 ел – Ленин ордены – М-100 моторын сериягә керткән өчен;

 1945 ел — Кызыл Байрак ордены — авиация моторлары җитештерү буенча Хөкүмәт йөкләмәләрен үрнәкле итеп үтәгәне өчен;

 1971 ел — Ленин ордены – бишьеллык планны үтәгән һәм яңа техника – автомобиль моторлары җитештерүне – оештыру өчен.

Шулай ук Ленин ордены белән 1943 елда 26нчы завод составында эшләгән һәм Владимир Климов җитәкләгән тәҗрибә-конструкторлык бюросы коллективы бүләкләнгән булган. 

Чыганак: vk.com/team_umpo