Инвестиция портфеле 14 млрд сум тәшкил итәчәк

Башкортстан һәм Беларусьның уртак проектларын бердәм Башкорт-Беларусь кластерына берләштерәчәкләр. Инвестицияләр җәлеп итү буенча яңа проект концепциясе Уфада халыкара бизнес атналыгы кысаларында тәкъдим ителәчәк. Карау нәтиҗәсе булып БР Икътисади үсеш һәм инвестицион сәясәт министрлыгы белән Беларусь Республикасы Икътисад министрлыгы арасында хезмәттәшлек турында Меморандум имзаланачак.

–Хәзерге вакытта җир казу һәм юл техникасы җитештерүен эшләтеп җибәрү, аккумулятор батареялары һәм аларның комплектлау детальләрен чыгару буенча заводлар төзү, шулай ук заманча шәһәр электр транспорты җитештерүен киңәйтү буенча уртак инициативалар эшләнә. Якын киләчәктә әлеге проектларның гомуми инвестицион “портфеле” якынча 14 млрд сум тәшкил итә, ә киләчәктә хезмәттәшлекне киңәйткәндә – 50 млрд сумнан артып китәчәк, – дип хәбәр итте БР премьер-министрының беренче урынбасары вазифаларын башкаручы,  икътисади үсеш һәм инвестицион сәясәт министры Рөстәм Моратов. 

Чыганак: pravitelstvorb.ru