Бизнеска туры юл белән

Җиңү көне алдыннан каланың 20-нче мәктәбендә махсус хәрби операция барышында һәлак булган чыгарылыш укучылары: Вадим Гавриков, Айдар Мостафин, Никита Афанасьев, Мирхәт Сөнәгәтов истәлегенә стела куелды һәм Мирхәт Хөрмәт улы хөрмәтенә “Герой партасы” ачылды.
Һәйкәлне әзерләргә һәм куерга "Үлчәү корылмалары заводы" директоры Максим Копытов ярдәм итте һәм бу ярдәме өчен муниципаль район хакимияте башлыгы Андрей Иванюта аңа рәхмәт белдерде.
Максим Копытов "Урал спорт инвентарьләре заводы" директоры Азат Вильданов менән муниципаль район хакимиятендә “Эшкуарлыҡ сәгате” утырышында катнашып, “Белкаст” чуен кою заводын ачарга тәкъдим итте. Алар 2023 елның беренче ярты еллыгында 20 яңа эш урыны булдыру һәм 2024 елда аена 300 тоннага кадәр куәткә чыгарга планлаштыруын хәбәр иткән иде.
Республика Башлыгы Радий Хәбиров бу идеяне хуплап кабул итте.
- “Инвестиция сәгате” форматындагы киңәшмәләр инвесторлар белән үзара эш итүнең һәм тиз идара итү карарларын кабул итүнең нәтиҗәле коралы булып тора. Без мондый очрашуларны 2018 елдан алып үткәрәбез һәм аларның уңай нәтиҗәсен күрәбез. Бу ярдәм коралы эшкуарлык белән власть арасында ышаныч күпере булып тора. Эшкуарлар белән аралашуда катнашучыларның барысына зур рәхмәт. Бу бик катлаулы, тырыш эш, әмма ул төбәк икътисадына һәм халкыбызга үз җимешләрен бирә, - диде республика Башлыгы Инвестиция комитеты утырышында чыгыш ясаганда.
Шулай итеп, “Белкаст” чуен кою заводы җәмгыяте Белоретта 2020 елның июнендә теркәлә. Rusprofile контрагентларны тикшерү сервисы мәгълүматлары буенча, 2023 елда компанияның килеме 9,1 млн. сум тәшкил итә, саф табышы 891 мең сум. Компания Башкортстанда 150 млн сум инвестиция күләме белән корыч һәм чуен кою заводын төзү буенча проектны тормышка ашыра.
Кою заводы спорт һәм реабилитация корылмалары өчен комплектлаучы материаллар чыгара. Бу - “Урал спорт инвентарьләре заводы” һәм “Үлчәү корылмалары заводы”ның берлектәге проекты.
Максим Копытов белдерүенчә, үлчәү корылмаларын җитештерүдә алар чуенга алмаштырырлыҡ материаллар (үлчәүләрне тикшерү өчен эталон герләр һ.б.) куллана. Чуен соңгы продукциянең хакын арзанайта, компонентлар җитештерү өчен үз базалары булуы һәр ваҡыт тәэмин итүчеләрнең хезмәтләреннән файдалануга караганда отышлыракка төшә.
Алар элек гантельләр, дисклар һәм тренажерлар җитештерү өчен күп калдыклар калдырган чуен калай кулланалар. Ә ул бик кыйммәтле материал. Җәмгыятьтә ярты ел эчендә чуен дисклар җитештерүне үзләштерүгә ирешкәннәр һәм киләчәктә герләр коюга тотыначаклар. Чуен коюга күчү аркасында соңгы продукция хакының яраклылык дәрәҗәсен саклап кала алганнар.
Эш башлаган чорда алар производствоны тик үз ихтыяҗлары өчен, ягъни "Урал спорт инвентарьләре заводы" һәм "Үлчәү корылмалары заводы" өчен генә эшләтеп җибәрергә карар итә. Республика хөкүмәтенең ярдәмен тойгач, алар тышкы базарга чыгарга тели. Сыйфатлы чуен кою белән шөгыльләнгән предприятиеләр аларга карата кызыксыну белдергән.
Башта примитив детальләр эшләсәләр, җайлап катлаулы геометриягә һәм коелмаларның кирәкле химик составына күчеп, үзаллы детальләрне модельләштерәләр. План буенча быел чуен цехында кул эшен алмаштырырлык модель автоматы барлыкка киләчәк.
Яңа производствода дәвалау физкультурасы һәм инвалидлар өчен спорт һәм реабилитация корылмалары өчен комплектлаучы материаллар чыгару планлаштырыла. Нәкъ шундый ук продукцияны әле Сермәндәге "Урал спорт инвентарьләре заводы" чыгара. Эшкуарларның проекты биш елга исәпләнгән, тиздән биредә үрнәкле-күрсәтмә предприятие булачак.
Әйткәндәй, Башкортстан Республикасы Инвестиция комитеты утырышлары чикләрендә 5 ел эчендә (2019-2023) “Инвестиция сәгате” форматында 553 инвестиция проекты каралган, 81 323 яңа эш урыны булдырылган. Инвестицияләрнең гомум күләме 1 1012,8 млрд. сум тәшкил итә.

Автор: Рәсимә САЛИХОВА.

"Урал" гәзите сайтыннан.